Վարկի կամավոր ապահովագրություն

Վարկի ապահովագրությունը նախատեսված է ՀՀ բանկերի և վարկային կազմակերպությունների համար և ուղղված է պաշտպանել նրանց ֆինանսական շահերը՝ վարկառուների կողմից վարկի և տոկոսի վճարման պարտականության կետանցման դեպքերում։
Վարկի ապահովագրության պայմանագրերը կնքվում են ՀՀ Կենտրոնական բանկի կողմից լիցենզավորված բանկերի և վարկային կազմակերպությունների
հետ՝ վարկերի վերադարձելիության ապահովման նպատակով։
Վարկի ապահովագրությունը կիրառելի է ոսկու գրավով մասամբ ապահովված վարկային պայմանագրերի
գծով դրամային կամ արտարժութային վարկերի չապահովված մասի նկատմամբ։
Վարկի ապահովագրության շրջանակներում հատուցվում է ապահովադրի հանդեպ վարկառուի
ժամկետանց (կետանցած) պարտավորությունների առկայությունը համաձայն համապատասխան վարկային
պայմանագրի՝ վարկի և դրա նկատմամբ հաշվարկված տոկոսագումարների մասով:
Ընդ որում` սույն ապահովագրության իմաստով պարտավորությունը համարվում է կետանցած, եթե ապահովադրի կողմից իրականացվել են վարկի վերադարձմանն ուղղված բոլոր
միջոցառումները, որոնք ներառված են ապահովագրության պայմանագրում: Ցանկացած դեպքում,
վարկի մարման պարտավորության կետանցումը կարող է ճանաչվել հատուցման ենթակա միայն դրա
կամ դրա մի մասի մարման համար վարկային պայմանագրով նախատեսված ժամկետի ավարտից հետո՝ նվազագույնը 5 և առավելագույնը 90 օր անց: Վարկի մարման պարտավորության կետանցման ժամկետը հստակ սահմանվում
է Ապահովագրության պայմանագրում:
Վարկի ապահովագրության շրջանակներում չի հատուցվում այն վնասը կամ կորուստը, որը՝
- տեղի է ունեցել մինչև պայմանագրի գործողության ժամկետի սկիզբը կամ այդ ժամկետի ավարտից հետո
- պայմանագրի կնքման օրվա դրությամբ ժամկետանց պարտավորություն ունեցող վարկառուների վարկերը
- հետևանք է պատերազմի, պատերազմական գործողությունների, քաղաքացիական պատերազմի, ապստամբության, հեղափոխության, բողոքի, զանգվածային իրարանցման, ռազմական դրության և նմանատիպ գործողությունների ուղղակի կամ անուղղակի ազդեցության
- առաջացել է վարկառուի կողմից՝
· ինքնասպանության կամ ինքնասպանության փորձի արդյունքում
· թմրամիջոցներ օգտագործելու արդյունքում
· ինքն իրեն մարմնական վնասվածք հասցնելու
· ստացվող միջոցները ոչ թե վարկի մարմանն, այլ տվյալ վարկի մարման հետ չկապված այլ նպատակներին ուղղմամբ
- հետևանք է ապահովադրի ղեկավարների կամ բաժնետերերի (մասնակիցների) դիտավորյալ գործողությունների արդյունքում վարկի չմարման կամ մասնակի մարման
- առաջացել է առանց ապահովագրողի հետ համաձայնեցման վարկային պայմանագրի պայմանների փոփոխմամբ պայմանավորված վարկի չմարման արդյունքում
- առաջացել է ապահովադրի կողմից վարկի նպատակային օգտագործման նկատմամբ սահմանված և համաձայնեցված ընթացակարգերին ոչ համապատասխան հսկողության իրականացման արդյունքում
- առաջացել
է ապահովադրի կողմից տրամադրված վարկը ոչ նպատակային օգտագործելու արդյունքում:
Ապահովագրավճարներն կարող են վճարվել միանվագ՝ կամ մաս-մաս։ Վճարման կարգը սահմանվում է ապահովագրության պայմանագրով:
Ապահովագրական գումարը չի կարող գերազանցել վարկային սահմանը և վարկի գծով հաշվարկված տոկոսների գումարը, եթե պայմանագրով այլ բան նախատեսված չէ:
Վարկի ապահովագրության պայմանագիր կնքելու համար անհրաժեշտ է ներկայացնել գրավոր դիմում-հարցաթերթը։ Ապահովագրողը կարող է պահանջել նաև ներկայացնել փաստաթղթեր, որոնք անհրաժեշտ են պայմանագրի կնքման և ռիսկի գնահատման համար, այդ թվում՝ վարկառուի վճարունակությունը և սեփականության իրավունքը հավաստող փաստաթղթեր, վարկային պայմանագրի պատճեն։
· ապահովագրության պայմանագրով սահմանված ժամկետում ԱՐՄԵՆԻԱ ԻՆՇՈՒՐԱՆՍԻՆ հայտնել ապահովագրական պատահարի առաջացման մասին, ինչպես նաև ներկայացնել պատահարի պատճառների և հանգամանքների վերաբերյալ հայտնի բոլոր տեղեկությունները
· ձեռնարկել բոլոր անհրաժեշտ միջոցառումներ՝ վնասները կանխելու կամ նվազեցնելու նպատակով
· ԱՐՄԵՆԻԱ ԻՆՇՈՒՐԱՆՍԻ պահանջով տրամադրել բոլոր անհրաժեշտ փաստաթղթերը՝ ներառյալ Վարկառուների քանակի, տրամադրված գումարների և հաշվարկված տոկոսների հաշվարկի վերաբերյալ փաստաթղթեր
· հաղորդել ԱՐՄԵՆԻԱ ԻՆՇՈՒՐԱՆՍԻՆ պատահարի հետ կապված իրավասու մարմինների գործողությունների մասին (հետաքննություն, դատական կանչ և այլն)
· առանց ԱՐՄԵՆԻԱ ԻՆՇՈՒՐԱՆՍԻ գրավոր համաձայնության չտալ խոստումներ և չանել առաջարկություններ կորստի կամ վնասի կամավոր հատուցման վերաբերյալ:
Ապահովագրական պատահար տեղի ունենալու դեպքում ապահովադրի (ապահովագրված անձի) կողմից ապահովագրական հատուցում ստանալու նպատակով ԱՐՄԵՆԻԱ ԻՆՇՈՒՐԱՆՍԻՆ ներկայացնում է հայտ, ինչպես նաև անհրաժեշտ հիմնավորող փաստաթղթեր:
Պատահարի մասին բոլոր անհրաժեշտ փաստաթղթերը ստանալուց հետո 30 օրվա ընթացքում ԱՐՄԵՆԻԱ ԻՆՇՈՒՐԱՆՍԸ ընդունում է ապահովագրական հատուցումը վճարելու կամ մերժելու մասին որոշում և հանձնում ապահովադրին առձեռն կամ փոստով:
Հատուցման վճարումն իրականացվում է համապատասխան եզրակացությունը կայացնելու օրվանից 5 աշխատանքային օրվա ընթացքում՝ միանվագ։
Ապահովադիրը և ապահովագրողը իրավունք ունեն միակողմանիորեն հրաժարվելու պայմանագրից` այդ մասին ոչ պակաս, քան 15 օր առաջ ծանուցելով պայմանագրի մյուս կողմին:
Ապահովադրի պահանջով պայմանագրի վաղաժամկետ լուծման դեպքում ապահովագրողը վերադարձնում է ապահովագրավճարը` պայմանագրի չլրացած ժամկետին համամասնորեն, իսկ ապահովագրավճարի հաշվարկման համար որպես հիմք ընդունվում են ապահովադրի կողմից վճարված ապահովագրավճարի 80%-ը, եթե պայմանագրով այլ բան նախատեսված չէ: Եթե ապահովադրի պահանջը պայմանավորված է ապահովագրողի կողմից պայմանագրի խախտմամբ, ապա ապահովագրողը վերադարձնում է ապահովագրավճարը` պայմանագրի չլրացած ժամկետին համամասնորեն, իսկ ապահովագրավճարի հաշվարկման համար որպես հիմք ընդունվում է Ապահովադրի կողմից վճարված ապահովագրավճարի 100%-ը:
Ապահովագրողի պահանջով պայմանագրի վաղաժամկետ լուծման դեպքում ապահովադրին են վերադարձվում ապահովագրավճարները` պայմանագրի չլրացած ժամկետին համամասնորեն, իսկ ապահովագրավճարի հաշվարկման համար որպես հիմք ընդունվում է ապահովադրի կողմից վճարված ապահովագրավճարի 100%-ը: Եթե ապահովագրողի պահանջը պայմանավորված է ապահովադրի կողմից ապահովագրության պայմանագրի և Կանոնների խախտմամբ, ապա ապահովագրողն վերադարձնում է ապահովագրավճարները պայմանագրի չլրացած ժամկետին համամասնորեն, իսկ ապահովագրավճարի հաշվարկման համար որպես հիմք ընդունվում է ապահովադրի կողմից վճարված ապահովագրավճարի 80 %-ը:
